dv
ފަންނާއި ސަގާފަތާއި ތަރިކައާ ބެހޭ ވުޒާރާ
ފަންނާއި ސަގާފަތާއި ތަރިކައާ ބެހޭ ވުޒާރާ މާލެ، ދިވެހިރާއްޖެ
ޑައުންލޯޑް ދެންނެވުން

ދިވެހިބަހުގެ އެކެޑަމީ

11 މޭ 2026

މުހިންމަތު/މިޝަން

  • ދިވެހިބަހާއި އަދަބިއްޔާތާއި ތާރީޚާއި އަދަބީ ތަރިކަ ރައްކައުތެރިކޮށް، ދަމަހައްޓައި، ތަރައްގީކުރުމުގެ ޤާބިލުކަން ހުރި މުއައްސަސާއަކަށް ހެދުން.

ތަސައްވަރު / ވިޝަން

  • ދިވެހިބަހާއި އަދަބިއްޔާތާއި ތާރީޚާއި އަދަބީ ތަރިކަ ރައްކައުތެރިކޮށް، ދަމަހައްޓައި، ތަރައްޤީކުރުމާއެކު، މި ދާއިރާތަކާ ބެހޭ އެންމެ އިތުބާރު ހުރި އަދި އެންމެ ސައްޙަ މަޢުލޫމާތު ފަތުރާ ޤައުމީ މުއައްސަސާއަށް ވުން.

މަގުސަދު

  • ދިވެހިބަހުގެ އެކެޑަމީގެމަގުސަދަކީ ދިވެހި ޤައުމިއްޔަތުގެ އެންމެ މުހިންމު އެއް އަސާސް ކަމުގައިވާ، އަދި އެންމެ އަގުބޮޑު އެއް ތަރިކަ ކަމުގައިވާ ދިވެހިބަހާއި،އަދި ދިވެހި ތާރީޚު ހީނަރުވިޔަނުދީހިމާޔަތްކުރުމާއެކު، ބަސް ތަރައްޤީކޮށް،ކުރިއަރުވައި، އަންނަން އޮތް ޖީލުތަކަށް އަމާނާތްތެރިކަމާއެކު ވާސިލުކޮށްދިނުމެވެ.

މެންޑޭޓް

  • ދިވެހިބަހުގެ އެކެޑަމީގެ މަސައްކަތްތަކަކީ، ޤާނޫނު ނަންބަރު 2011/9 (ދިވެހިރާއްޖޭގެ ޤައުމީ ބަހަށް އިސްކަންދިނުމުގެ ޤާނޫނު)ގެ 15ވަނަ މާއްދާއިން ދިވެހިބަހުގެ އެކެޑަމީއަށް ކަނޑައަޅުއްވައިފައި ވާ މަސްއޫލިއްޔަތުތަކެވެ.
  • ދިވެހިބަސް ހިމާޔަތްކޮށް ތަރައްޤީކުރުމަށް ޓަކައި މަސައްކަތްކުރުން.
  • ދިވެހިރާއްޖޭގެ އިދާރީ ހިންގުމާއި ވިޔަފާރިއާއި ތަޢުލީމާއި އެހެނިހެން އާންމު މުއާމަލާތުތަކުގައި އެންމެ ބޮޑަށް ބޭނުންކުރާ ބަހަކީ ދިވެހިބަސް ކަމުގައި ދަމަހައްޓައި ދިވެހިބަސް ފެތުރުން.
  • ދިވެހިބަސް ބޭނުންކުރަންޖެހޭ ހަމަތަކާއި އުސޫލުތައް ކަނޑައަޅައި ބަހުގެ ގަވާއިދު އެކުލަވައިލައި މި ކަންކަން އާންމުކޮށް ފެތުރުން.
  • ދިވެހިބަހުގެ ގަވާއިދާއި ބަސް ބޭނުންކުރުމުގެ ހަމަތަކާއި އުސޫލުތަކާ އެއްގޮތަށް ބަސް ބޭނުންކުރަމުން ގެންދޭތޯ ބަލައި، ނުކުރާ ފަރާތްތަކާ މެދު ފިޔަވަޅުއެޅުން.
  • ދިވެހީންގެ ސަގާފަތާއި އާދަކާދައިގެ ތެރޭގައި ހިމެނޭ ކަންކަމާ ބެހޭ ގޮތުން ހޭލުންތެރިކަން އިތުރުކޮށް، އެ ކަންކަން ދިރުވައި އާލާކުރުން.
  • ދިވެހިބަހާއި ތާރީޚާއި ސަގާފަތާއި ތަރިކައާ ބެހޭ މައުލޫމާތު އާންމުކުރުމުގައި އެ މައުލޫމާތުގެ ސައްހަކަން ދެމެހެއްޓުމަށް ޓަކައި އަޅަންޖެހޭ ފިޔަވަޅުތައް އެޅުން.
  • ރާއްޖޭގައި ޤައުމީ ފެންވަރުގައި ފާހަގަކުރުމަށް ސަރުކާރުން ކަނޑައަޅާ ދުވަސްތަކުގެ ތެރެއިން ދިވެހިބަހާއި އަދަބިއްޔާތާއި ސަގާފަތާއި ތަރިކައާ ބެހޭ ގޮތުން ފާހަގަކުރަންޖެހޭ ދުވަސްތައް ފާހަގަކުރުން.
  • ދިވެހި ބަސްފޮތްތައް އެކުލަވާލައި ޝާއިއުކުރަމުން ގެންދިޔުން.
  • ދިވެހިބަހާއި ތާރީޚާ ބެހޭ މަޝްރޫއުތަކާއި ޕްރޮގްރާމްތައް ރާވައި، ފަރުމާކޮށް، ހިންގުން.
  • ދިވެހިބަހާއި ތާރީޚާ ބެހޭ ޢިލްމީ ދިރާސާތަކާއި، ޢިލްމީ ހަރަކާތްތައް، ރާއްޖެއާއި ރާއްޖެއިން ބޭރުގެ ފަރާތްތަކާ ގުޅިގެން ހިންގުން.
  • ދިވެހިބަހާއި ތާރީޚާ ބެހޭ ފޮތާއި، މޮނޮގްރާފާއި، ރިޕޯޓުތަކާއި، މަޖައްލާތަކާއި، މިފަދަ އެންމެހައި ތަކެތި ޝާއިއުކުރުމާއި، ދިވެހިބަހާއި ތާރީޚާ ބެހޭ މައުލޫމާތު ގިންތިކޮށް، ތަރުތީބުކޮށް، ފަތުރާ މަރުކަޒެއްގެ ގޮތުގައި ހަރަކާތްތެރިވުން.
  • ދިވެހިބަހާއި ތާރީޚާ ބެހޭ ކުރު ކޯސްތަކާއި ޕްރޮގްރާމްތައް އަމިއްލަ ފަރާތްތަކާއި ދައުލަތުގެ އެކި މުއައްސަސާތަކަށް ހިންގުމާއި ހިންގުވުން.

ސެމިނަރތަކާއި މައުރަޒުތަކާއި މަސައްކަތު ބައްދަލުވުންތަކާއި ކޮންފަރެންސްތައް އަމިއްލައަށް ނުވަތަ އެހެން ފަރާތްތަކާ ގުޅިގެން އިންތިޒާމުކޮށް ހިންގުވުން.

  • ދައުލަތާއި އެހެން ފަރާތްތަކުން އެކިއެކި އެހީތައް ލިބިގަތުމާއި، އެ ފައިސާ ތަނުގެ މަގުސަދުތައް ހާސިލުކުރުމަށް ބޭނުންކުރުން.
  • މި ޤާނޫނުގައި ވާ ގޮތުގެ މަތިން، އެކެޑަމީން ކުރަންޖެހޭ އެހެނިހެން ކަންކަން ކުރުން.

އޮނިގަނޑު

އިދާރާއިން ރައްޔިތުންނަށް ފޯރުކޮށްދެމުންދާ / އަދި ކުރިން ފޯރުކޮށްދީފައިވާ ހުރިހާ ޚިދުމަތްތަކެއްގެ މަޢުލޫމާތު

  • ތާރީޚުގެ ސައްހަ މައުލޫމާތު ފޯރުކޮށްދިނުން
  • ދިވެހިބަހާއި އަދަބިއްޔާތާއި ތާރީޚާ ގުޅޭ ދުވަސްތައް ފާހަގަކުރުމާއި ދުވަސްތަކާ ގުޅޭ މައުލޫމާތު އާންމުކުރުން
  • ދިވެހިބަހުގެ ހަމަތަކާއި އުސޫލުތައް އޮޅުންފިލުވައިދިނުމަށް ކޯސް ހިންގުން
  • ބަހާއި ތާރީޚާ ގުޅޭ ގޮތުން މުވައްސަސާތަކާއި އަމިއްލަ ފަރުދުން އެދޭ ކަންކަމުގައި މައުލޫމާތުދިނުން
  • ދިވެހިބަހުގެ އެކެޑަމީން ޝާއިޢުކުރާ، ދިވެހިބަހާއި އަދަބިއްޔާތާއި ތާރީޚާ ގުޅޭ ފޮތްތައް ލިބޭނެ ގޮތް ފަހިކޮށްދިނުން.
  • ދިވެހިބަހާއި އަދަބިއްޔާތާއި ތާރީޚާ ގުޅޭ ގައުމީ މުބާރާތްތައް ރާވައި ހިންގުން.
  • ދިރާސީ ކުތުބުޚާނާގައި ހުރި މައުލޫމާތު އެ ކަމަށް އެދޭ ފަރާތްތަކަށް ލިބޭނޭ ގޮތް ފަހިކޮށްދިނުން.
  • ބަސްފޮތުގެ ޚިދުމަތް ސުމޭކު ވަސީލަތްތަކުން ލިބުމާ އެކު އެއަށް އިސްލާހު ހުށަހެޅޭނެ މަގުފަހިކޮށްދިނުން
  • އެކިއެކި ތަންތަނުން ބާއްވާ މުބާރާތްތަކާއި ތަމްރީނުތަކުގައި ފަންނީ އެހީތެރިކަން ފޯރުކޮށްދިނުން
  • ދިވެހިބަހާއި އަދަބިއްޔާތާއި ތާރީޚާ ގުޅުންހުރި ދުވަސްތައް ފާހަގަކުރުމަށާއި ހަރަކާތްތައް ބޭއްވުމަށް ފަންނީ އެހީތެރިކަންފޯރުކޮށްދިނުން
  • ދިވެހިބަހާއި އަދަބިއްޔާތާއި ތާރީޚުގެ މައުލޫމާތުފޯރުކޮށްދިނުމަށް ބައްދަލުވުންތަކާއި ދަންފަޅިތައް ބޭއްވުން.

އެއްވެސް ފަރާތަކުން ޝަކުވާއެއް ހުށަހަޅަން ބޭނުންވާ ނަމަ ޝަކުވާ ހުށަހެޅޭނެ ގޮތުގެ ތަފުސީލު

  • އިދާރާއާ ގުޅޭ ޝަކުވާ، ސިވިލްސަރވިސް ކޮމިޝަނުން އެކުލަވައިލައިފައިވާ ކިއުއާރު ކޯޑު މެދުވެރިކޮށް ހުށަހަޅަން
  • ދިވެހިބަހާއި ތާރީޚުގެ މުބާރާތްތަކުގެ ޝަކުވާ، ފޯމުންނާއި މޭލުން ހުށައެޅުން.
  • އީމޭލުންނާއި ސިޓީން އަދި އޮފީހަށް ހާޒިރުވެ ކަމާބެހޭ މުވައްޒަފަކާ ބައްދަލުކުރުން.

އިދާރާގެ ލިޔެކިޔުންތައް ބަލަހައްޓާ ގޮތުގެ އުސޫލު ނުވަތަ ތަފުސީލު

  • އީމޭލު، 'ޖެމްސް' އަދި އެކެޑަމީގެ ކައުންޓަރަށް ލިބޭ ލިޔުންތައް ބަލައިގަތުމަށް ފަހު ސްކޭންކޮށް ދުވަސްތައް ވަކިވާނެހެން ސާވަރުގައި ރައްކާކުރެވެއެވެ.
  • އަދި 'ޖެމްސް'އަށް އެޅުމަށް ފަހު ވެރިން އެންޓްރީގައި ސޮއިކުރެއްވުމުން ހުރިހައި މުވައްޒަފުންނަށް ފެންނާނެހެން އެކެޑަމީގައި ހެދިފައިވާ 'އެކްސެލް' ޝީޓެއްގައި ތާނަ އަކުރުން އެންޓްރީކުރެވެއެވެ.
  • އޭގެ ފަހުން އެންޓްރީ ޙަވާލުކުރާ ޝީޓެއްގައި ސޮއިކުރުވުމަށް ފަހު އެ ލިޔުމަކާ ގުޅޭ ސެކްޝަނެއްގެ ވެރިޔަކާ ލިޔުން ޙަވާލުކުރެވެއެވެ.
  • އެ ސެކްޝަނަކަށް ލިޔުން ލިބުމުން ޖަވާބުދޭންޖެހޭ ލިޔުންތަކަށް ޖަވާބުދިނުމަށް ފަހު އެ ސެކްޝަނެއްގެ ފައިލުގައި ފައިލުކުރެވެއެވެ.
  • މުބާރާތްތަކާއި ދުވަސްތައް ނިމުމުން އެކަމަކާ ގުޅޭ ލިޔުންތައް ވަކިވަކި ފައިލުތަކުގައި ފައިލުކުރެވެއެވެ.

އިދާރާއިން ބަލަހައްޓަމުން ގެންދާ ހުރިހައި މަޢުލޫމާތުތަކެއްގެ ތަފުސީލު

  • ދިވެހިބަހުގެ ބަސްފޮތް
  • ދިވެހިބަހުގެ ގަވާއިދު
  • ދިވެހިރާއްޖޭގެ ތާރީޚުގެ މައުލޫމާތު
  • ފަތްތޫރައަށް ލިޔުއްވާ ފަރާތްތަކުގެ މައުލޫމާތު
  • ދިރާސާ ކުތުބުޚާނާގެ ފޮތްތައް

އިދާރާއިން އާންމުކޮށް ޝާއިއުކުރާ މަޢުލޫމާތުތައް

  • ދިވެހިބަހުގެ ބަސްފޮތް
  • ދިވެހިބަހުގެ ގަވާއިދު
  • ދިވެހިރާއްޖޭގެ ތާރީޚުގެ މައުލޫމާތު
  • ދިވެހިބަހާއި އަދަބިއްޔާތާއި ތާރީޚާ ގުޅުން ހުރި ފޮތް
  • ދިވެހިބަހާއި އަދަބިއްޔާތާއި ތާރީޚާ ގުޅުން ހުރި ދުވަސްތަކާ ގުޅޭ ލުއިފޮތްތަކާއި ސުމޭކު ފޮތްތައް
  • ފަތްތޫރަ ސުމޭކުކޮށް (ފައްވާރު) ޝާއިޢުކުރުން

އިދާރާއަށް މަޢުލޫމާތައް އެދި ފަރާތަކުން ހުށަހެޅުމެއް ހުށަހަޅަން ބޭނުން ނަމަ އަމަލުކުރާނެ ގޮތުގެ ތަފުސީލު

  • އެކެޑަމީއަށް ހާޒިރުވެގެންނާއި ލިޔުމުންނާއި ބައްދަލުކޮށްގެން

އިދާރާގެ އިސްވެރީންގެ މަޢުލޫމާތު / މަޝްއޫލިއްޔަތުތައް

  • އެކެޑަމީގެ ރައީސް: އަލްފާޟިލް ޙަސަން ޝާކިރު މުޙައްމަދު

މަސްއޫލިއްޔަތުތައް :

  • އެކެޑަމީގެ މަސްއޫލިއްޔަތު އަދާކުރުމަށް މަގުފަހިކޮށްދީ، އެ މަސްއޫލިއްޔަތުތައް އަދާކުރެވެމުންދޭތޯ ކަށަވަރުކުރުން.
  • އެކެޑަމީގެ ޖަލްސާތައް ބޭއްވުމާއި ރިޔާސަތު ބެލެހެއްޓުން.
  • އަދަބީ ޖަމްޢިއްޔާތަކާ ގުޅުން ބަދަހިކުރުމަށް މަސައްކަތްކުރުން.
  • ފަންނީ ކޮމިޓީގެ މަސައްކަތްތައް ވިލަރެސްކޮށް ހިނގާ ނުހިނގާގޮތް ބެލުން.
  • އެކެޑަމީގެ މަސައްކަތްތަކާ ގުޅިގެން ކަމާބެހޭ ވަޒީރަށް ޖަވާބުދާރީވުން.
  • މި ޤާނޫނު ތަންފީޛުކުރެވެމުންދޭތޯ ބަލައި، އެކަން ކަށަވަރުކުރުން.

އެކެޑަމީގެ ނާއިބު ރައީސް: އަލަފާޟިލާ ޒުލްފާ އިބްރާހީމް

މަސްއޫލިއްޔަތުތައް :

  • ރައީސްގެ ލަފާގެ މަތީން، އެކެޑަމީގެ އިދާރީ ހުރިހާ ކަމެއް ވިލަރެސްކުރުން.
  • ރައީސް ނެތް ޙާލަތެއްގައި ނުވަތަ މަސައްކަތަށް ޢުޛުރުވެރިވެއްޖެ ޙާލަތެއްގައި އޭނާގެ މަސްއޫލިއްޔަތު އަދާކުރުން.
  • މީގެ އިތުރުން، މި ޤާނޫނުގެ ދަށުން އެކެޑަމީގެ މަޤްޞަދު ޙާޞިލުކުރުމަށް ކުރަންޖެހޭ ކޮންމެ މަސައްކަތެއް ކުރުން.

އިދާރާއިން އަމަލުކުރަމުން ގެންދާ ޤާނޫނާއި ގަވާއިދުތަކުގެ މަޢުލޫމާތު

  • ޤާނޫނު ނަންބަރު 2011/9 (ދިވެހިރާއްޖޭގެ ޤައުމީ ބަހަށް އިސްކަންދިނުމުގެ ޤާނޫނު)
  • މި ގާނޫނުގެ ދަށުން ހަދައިފައިވާ ގަވާއިދު ނަންބަރު: 43-R/2016
  • މީގެއިތުރުން މި އިދާރާގެ ހިންގުމާ ގުޅިފައިވާ އެހެނިހެން ގާނޫނާއި ގަވާއިދުތައް

އިދާރާއިން އަމަލުކުރާ އުސޫލުތަކުގެ ނުވަތަ ހަމަތަކުގެ މަޢުލޫމާތު

  • ކުރިއަށްގެންދާ މުބާރާތްތަކާއި ކޯސްތަކާ ގުޅިގެން އާންމުކުރެވޭ ގަވާއިދާއި އުސޫލުތައް
  • އެސް.އޯ.ޕީތަކާ އެއްގޮތްވާގޮތަށް

އިދާރާއިން ރައްޔިތުންނަށް އެއްވެސް އަސަރެއް ކުރާ ގޮތަށް ނިންމައިފައިވާ އެއްވެސް ނިންމުމެއް ވާ ނަމަ އޭގެ މަޢުލޫމާތާއި އެހެން ނިންމި ސަބަބު

  • ނެތް

އިދާރާގެ ސިޔާސަތުތަކަށް ފާޑުކިޔުމާއި އެކަށައެޅުމާއި އެކަންކަމަށް ރައްޔިތުންނަށް ޚިޔާލު ހުށަހެޅޭނެ ނިޒާމު / އުސޫލުގެ ތަފުސީލު

  • އިދާރާއާ ގުޅޭ ޝަކުވާ، ސިވިލްސަރވިސް ކޮމިޝަނުން އެކުލަވައިލައިފައިވާ ކިއުއާރު ކޯޑު މެދުވެރިކޮށް ހުށަހަޅަން
  • ދިވެހިބަހާއި ތާރީޚުގެ މުބާރާތްތަކުގެ ޝަކުވާ، ފޯމުންނާއި މޭލުން ހުށައެޅުން.
  • އީމޭލުންނާއި ސިޓީން އަދި އޮފީހަށް ހާޒިރުވެ ކަމާބެހޭ މުވައްޒަފަކާ ބައްދަލުކުރުން.

އިދާރާއަށް ކުރިއަށް ހިނގަމުންދާ އަހަރަށް ކަނޑައެޅިފައިވާ ބަޖެޓުގެ ތަފުސީލު

  • 8,606,175.00 (އަށް މިލިއަން ހަލައްކަ ހަހާސް ސަތޭކަ ހަތްދިހަ ފަހެއް)

އިދާރާއިން ކުރިއަށް އޮތް އަހަރަށް ކުރަން ރާވައިފައިވާ ކަންކަމުގެ ތަފުސީލު

  • ދަރިވަރުންގެ ހިތްތަކުގައި ދިވެހިބަހާއި އަދަބިއްޔާތާއި ތާރީޚާއި ސަގާފަތަށް ލޯބި އިތުރުކުރުމާއި، ދިވެހިބަހުގެ ހުނަރުތައް ދިރުވާ އަލާކުރުމަށް އެކިއެކި މުބާރާތްތަކާއި ހަރަކާތްތައް ހިންގުން.
  • ދިވެހިބަހާއި އަދަބިއްޔާތާއި ތާރީޚާއި ސަގާފަތުގެ ދާއިރާއިން އާންމުންނާއި މުއައްސަސާތަކަށް ތަފާތު މުބާރާތްތަކާއި ކޯސްތަކާއި ވަރކްޝޮޕްތަކާއި ހަރަކާތްތައް ހިންގުން.
  • ދިވެހިބަހާއި އަދަބިއްޔާތާއި ތާރީޚާއި ސަގާފަތުގެ އެކިއެކި ޕްރޮގުރާމުތައް ހިންގުމަށާއި، ޖަލްސާއާއި ސެމިނާރާއި ވަރކްޝޮޕް ފަދަ ބައްދަލުވުންތައް ބޭއްވޭނެ ފަދަ މަލްޓި ޕަރޕަސް ހޯލެއް އެޅުން. މި ހޯލަކީ އެކެޑަމީގެ ބޭނުންތަކަށާއި، ދައުލަތުގެ އެކިއެކި މުއައްސަސާތަކުގެ ބޭނުންކުރެވޭނެ، އަދި އާންމު ފަރާތްތަކަށް ކުއްޔަށް ދޫކޮށްގެން ދައުލަތަށް އާމްދަނީއެއް ވެސް ހޯދޭނެ ފަދަ ގޮތަކަށް ހެދޭނެ ތަނެއް.
  • ދިވެހިބަހާއި އަދަބިއްޔާތާއި ތާރީޚާއި ސަގާފަތަށް ލޯބި އިތުރުކުރުމަށް ޓަކައި، މި ދާއިރާތަކުން ފޮތްތައް ޗާޕުކުރުން. މީގެ ތެރޭގައި ފަތްތޫރައާއި މުބާރާތްތަކުގައި ދަރިވަރުން ލިޔެފައިވާ މަޒުމޫނާއި ވާހަކައާއި ޅެން އެކުލެވޭފޮތާއި، ތާރީޚު ފޮތްތައް ހިމެނޭ.
  • ދިވެހިރާއްޖޭގެ ފޯކްލޯރއާއި ތާރީޚާއި އަދަބީ ތަރިކަ ފުރޭފުކޮށް އާންމުކުރުން.
  • ދިވެހިބަހުގެ ރަދީފު ޗާޕުކުރުން.
  • ތުއްތުކުދިންނަށް ފޮޓޯރަދީފެއް ޗާޕުކުރުން.
  • ދިވެހިބަހުގެ ގަވާއިދު ފޮތް ޗާޕުކުރުން.

އިދާރާއިން ކުރިއަށް އޮތް އަހަރަށް ކުރަން ރާވައިފައިވާ ކަންކަމަށް ޚަރަދުވާނެ ބަޖެޓު ތަފުސީލު

  • ތަފުސީލުތައް މޭލާއެކު ހީރަސްކުރެވިފައިވާނެއެވެ.

އިދާރާއިން ނިމިދިޔަ އަހަރު ކޮށްފައިވާ ޚަރަދުތަކުގެ ތަފުސީލު

  • ތަފުސީލުތައް މޭލާއެކު ހީރަސްކުރެވިފައިވާނެއެވެ.

އިދާރާގެ ލަނޑުދަނޑިތަކާއި ތަސައްވުރު އަދި އަސާސްތަކުގެ ތަފުސީލު

  • އެންމެ އަގުބޮޑު އެއް ތަރިކަކަމުގައި ވާ ދިވެހިބަސް ހީނަރުވިޔަނުދީ ޙިމާޔަތްކުރުމާއެކު، ބަސް ތަރައްޤީކޮށް ކުރިއަރުވައި، އަންނަންއޮތް ޖީލުތަކަށް އަމާނާތްތެރިކަމާއެކު ވާޞިލުކޮށްދިނުމެވެ.
  • ދިވެހިރާއްޖޭގެ އެއްބައިވަންތަކަމުގެ އެއް އަޞްލަކީ ދިވެހިބަސްކަމުގައި ވާތީ އާއި، ދިވެހީންގެ މާދަރީ ބަހަކީ ދިވެހި ބަސްކަމުގައި ވާތީ، ދިވެހިރާއްޖޭގެ ރަސްމީ ބަސް، ދިވެހި މުޢާމަލާތުތަކުގައި ބޭނުންކުރުން އިސްކުރުން.
  • ދިވެހިބަސް ތަރައްޤީކޮށް ކުރިއަރުވައި، ބަސް ހީނަރުވުމަށް ދިމާވާ ކަންތައްތަކުން، ބަސް ޙިމާޔަތްކުރުން.
  • ދިވެހިބަހަކީ، ޢާންމު މުޢާމަލާތްތަކުގައި ބޭނުންކުރާ، ބަހެއްގެ ގޮތުގައި ދެމެހެއްޓުން.
  • ދިވެހިބަހަށް ދިވެހީން ދޭ ސަމާލުކަން އިތުރުކުރުމަށާއި، ދިވެހިބަސް ތަރައްޤީކުރުމަށް ބޭނުންވާ ޙަރަކާތްތައް ރާވައި، ކުރިއަރުވައި، ތަންފީޛުކޮށް، މުރާޖަޢާކުރާނެ ޤައުމީ އޮނިގަނޑެއް އުފައްދައި އެ ތަނުގެ މަޤްޞަދުތައް ކަނޑައެޅުން.

އިދާރާގެ މެންޑޭޓްގައިވާ ކަންކަން ހާސިލްކުރެވޭ މިންވަރު ދެނެގަންނަ ގޮތުގެ ތަފުސީލާއި އިދާރާ ޒިންމާދާރުކުރުވާ ގޮތުގެ ތަފުސީލު

  • މުބާރާތްތަކަށް ލިބޭ ތަރުހީބާއި ލިބޭ ކުރިއެރުމަށް ބަލައި
  • ތަމްރީނުކުރެވޭ މީހުންގެ އަދަދު
  • ސުމޭކު ރަދީފަށް ވަންނަ މީހުންގެ އަދަދު
  • ދިރާސާ ކުތުބުޚާނާގެ ޚިދުމަތް ހޯދާ މިންވަރު.

އިދާރާގެ އިންފޮމޭޝަން އޮފިސަރުގެ މަޢުލޫމާތު

  • ނަން: އާމިނަތު ޒާހިރާ
  • މަޤާމު: ސީނިއަރ ލެންގްއޭޖް ޑިވެލޮޕްމެންޓް އެސިސްޓެންޓް
  • މޯބައިލް ނަންބަރު: 7506637